ரவீனா டாண்டனுக்கு பிறந்தநாளில் புகழாரம் சூட்டிய கேஜிஎப் இயக்குனர்
ADDED : 1474 days ago
தமிழில் ஆளவந்தான், சாது உள்ளிட்ட படங்களில் நடித்தவர் பிரபல பாலிவுட் நடிகை ரவீனா டாண்டன். தற்போதும் படங்களில் பிசியாக நடித்து வருகிறார். அடுத்து ரிலீஸாகவுள்ள கேஜிஎப் 2 படத்தில் ராமிகா சென் என்கிற பிரதமர் கதாபாத்திரத்தில் நடித்துள்ளார் ரவீணா டாண்டன்.
நேற்று ரவீனா டாண்டனின் பிறந்தநாளை முன்னிட்டு கேஜிஎப் 2 படத்தின் இயக்குனர் பிரசாந்த் நீல், அவருக்கு வாழ்த்துச் செய்தி வெளியிட்டிருந்தார் அதில், :ராமிகா சென் கதாபாத்திரத்தை நீங்கள் செய்தது போல வேறு யாரும் அவ்வளவு சிறப்பாக செய்திருக்க முடியாது. ஜாலியான, மனதுக்கு நெருக்கமான ஒரு பிரதமருடன் வேலை பார்த்த அனுபவம் எனக்கு கிடைத்தது. பிறந்தநாள் வாழ்த்துக்கள் மேடம்” என்று கூறியுள்ளார்.