சந்திரமுகி 2 வில் இணைந்த மகிமா நம்பியார்

கடந்த 2005ல் பி.வாசு இயக்கத்தில் ரஜினிகாந்த் நடிப்பில் வெளியாகிய மிகப்பெரிய வெற்றியை பெற்ற படம் சந்திரமுகி. அந்தப் படம் வெளியாகி 17 ஆண்டுகள் கழிந்து நிலையில் தற்போது அந்தப்படத்தின் இரண்டாம் பாகத்தை சந்திரமுகி 2 என்கிற பெயரில் இயக்குனர் பி.வாசு இயக்குகிறார். ராகவா லாரன்ஸ் கதாநாயகனாக நடிக்கும் இதில் முதல் பாகத்தில் நடித்த வடிவேலுவை தவிர மற்ற எல்லாமே இந்த இரண்டாம் பாகத்துக்கு புதியவர்கள் தான்.

இந்தப்படத்தில் கதாநாயகியாக லட்சுமி மேனன் நடிக்கிறார் என்று சொல்லப்பட்டு வரும் நிலையில், இந்த படத்தில் மொத்தம் ஐந்து கதாநாயகிகள் நடிக்கின்றனர் என்கிற தகவல் வெளியாகியுள்ளது. அதில் நடிகை மகிமா நம்பியார் ஒருவர் என்பதும் தற்போது நடைபெற்று வரும் இந்தப்படத்தின் படப்பிடிப்பில் கலந்துகொண்டு அவர் நடித்து வருகிறார் என்பதும் உறுதி செய்யப்பட்டுள்ளது.