தசரா படத்திற்கு 36 இடங்களில் கட் கொடுத்த சென்சார் அதிகாரிகள்
ADDED : 929 days ago
அறிமுக இயக்குனர் ஸ்ரீகாந்த் ஒடலா இயக்கத்தில் நானி நடிப்பில் உருவாகியுள்ள திரைப்படம் தசரா. கதாநாயகியாக கீர்த்தி சுரேஷ் நடித்துள்ளார். இந்தப் படம் வரும் மார்ச் 30-ஆம் தேதி திரையரங்குகளில் வெளியாகிறது. எஸ்.எல்.வி சினிமாஸ் நிறுவனம் தயாரிக்கும் இந்த படம் தமிழ், தெலுங்கு, இந்தி,மலையாளம்,கன்னடம் என 5 மொழிகளில் வெளியாக உள்ளது. இப்படத்திற்கு சந்தோஷ் நாராயணன் இசையமைத்துள்ளார். இந்த படத்தை இப்போது எல்லா மாநிலத்திலும் பிஸியாக விளம்பரம் படுத்தி வருகிறார்கள் நானி மற்றும் படக்குழுவினர்கள்.
இந்நிலையில் இப்படத்தின் சென்சார் ரிப்போர்டில் U/A சான்றிதழ் பெற்றது. தணிக்கை குழு படத்தில் சுமாராக 36 கட் (Cut) செய்துள்ளார்கள். இதுவே தெலுங்கு சினிமாவில் முதல் முறையாக முன்னணி நடிகர் ஒருவரின் படத்திற்கு அதிக சென்சார் கட் செய்த படம் என்கிறார்கள்.