சிக்ஸ் பேக்கில் சிவகார்த்திகேயன்?

ராஜ்குமார் பெரியசாமி இயக்கத்தில் சிவகார்த்திகேயன் தனது 21வது படத்தில் நடித்து வருகிறார். ராஜ்கமல் புரொடக்சன்ஸ் மற்றும் சோனி பிக்சர்ஸ் என இரு நிறுவனங்கள் இணைந்து தயாரிக்கின்றனர். ஜி.வி. பிரகாஷ் இசையமைக்கும் இப்படத்தின் படப்பிடிப்பு காஷ்மீரில் சில மாதங்களாக நடைபெற்று வருகிறது. இந்திய ராணுவ சம்மந்தப்பட்ட படம் என்பதால் வருகின்ற ஆகஸ்ட் 15ம் தேதி இந்த படத்தின் டைட்டில் மற்றும் பர்ஸ்ட் லுக் வெளியாகும் என தகவல் உள்ளது.

இந்த நிலையில் இன்று காலை நேரத்தில் சமூக வலைதளங்களில் சிவகார்த்திகேயன் தனது 21வது படத்திற்காக சிக்ஸ் பேக் உடன் ஜிம்மில் வொர்க்கவுட் செய்து வருவது போல் போட்டோ ஒன்று லீக் ஆகி வைரலாகி வருகிறது. ரசிகர்கள் ஆச்சரியத்துடன் இந்த போட்டோவை பகிர்ந்து வந்தாலும் மறுபக்கம் நெட்டிசன்கள் இது ஒரு போட்டோஷாப் செய்த போட்டோ என்று கூறி வருகின்றனர்.