கருமேகங்கள் கலைகின்றன படத்தின் ரிலீஸ் தேதி அறிவிப்பு!

அழகி, சொல்ல மறந்த கதை, பள்ளிக்கூடம் ஆகிய படங்களை இயக்கியவர் தங்கர் பச்சான். நீண்ட வருடங்கள் கழித்து ' கருமேகங்கள் கலைகின்றன' என புதிய படத்தை இயக்கியுள்ளார். இதில் பாரதிராஜா, கவுதம் மேனன், அதிதி பாலன், யோகி பாபு உள்ளிட்டோர் பலர் இணைந்து நடித்துள்ளனர். ரியோடா மீடியா நிறுவனம் தயாரித்துள்ள இப்படத்திற்கு ஜி.வி.பிரகாஷ் இசையமைத்துள்ளார். ஏற்கனவே இந்த படத்தின் டிரைலர் மற்றும் பாடல்கள் வெளியாகி ரசிகர்களின் கவனத்தை ஈர்த்தது.

சமீபத்தில் இப்படத்திற்கு சென்சாரில் 'யு ' சான்றிதழ் அளித்தனர். இந்நிலையில் இந்த படம் வருகின்ற செப்டம்பர் 1ம் தேதி வெளியாகிறது என்று படக்குழுவினர்கள் அதிகாரப்பூர்வமாக அறிவித்துள்ளனர்.