ஹன்சிகாவின் வெப் தொடர் நாளை வெளியாகிறது

ஹன்சிகா மோத்வானி நடித்துள்ள ஒரிஜினல் தமிழ் வெப் தொடர் 'மை3'. ஒரு கல் ஒரு கண்ணாடி, பாஸ் என்கிற பாஸ்கரன், சிவா மனசுல சக்தி படங்களை இயக்கிய ராஜேஷ் எம் இயக்கி உள்ளார். முகேன் ராவ், சாந்தனு ஆகியோர் முதன்மை பாத்திரத்தில் நடித்துள்ளனர். இவர்களுடன் ஜனனி, ஆஷ்னா ஜவேரி, அபிஷேக், சக்தி, சுப்பு பஞ்சு அருணாச்சலம் உள்ளிட்டவர்களும் நடித்துள்ளனர்.

ரொமான்டிக் காமெடியாக உருவாகியிருக்கும் இந்த தொடரின் கதை இதுதான்….

முகேன், ஒரு பணக்கார பிசினஸ்மேன். மனித தொடுதல் என்பது அவருக்கு ஒவ்வாமை. யாராவது அவரைத் தொட்டால் அவருக்கு அலர்ஜியாகிவிடும். இளம் விஞ்ஞானியாக வளர்ந்து வரும் சாந்தனுவால் உருவாக்கப்பட்ட, 'மை3' என்ற மனித உருவ ரோபோவை வாங்க ஆர்வமாக இருக்கிறார். ஆனால் உருவாக்கத்தின் போது ஏற்பட்ட சிக்கலில் செயலிழந்து போன 'மை3' ரோபோவிற்கு பதிலாக சாந்தனுவின் காதலி ஹன்சிகாவை ரோபோ என்று ஏமாற்றி முகன்ராவிடம் அனுப்புகிறார். முகேனை ஹன்சிகா சந்திக்கும் போது என்ன நடக்கிறது என்பதுதான் தொடரின் கதை.

கார்த்திக் முத்துக்குமார் ஒளிப்பதிவு செய்துள்ளார், கணேசன் இசையமைத்துள்ளார். டிஷ்னி ஹாட்ஸ்டார் தளத்தில் நாளை (15ம் தேதி) வெளியாகிறது.