ஜவான் - இந்தியாவில் ரூ.500 கோடி, உலகளவில் ரூ.907 கோடி வசூல்

அட்லீ இயக்கத்தில், ஷாரூக்கான், நயன்தாரா, விஜய் சேதுபதி மற்றும் பலர் நடித்து இந்த மாதம் 7ம் தேதி வெளியான படம் 'ஜவான்'. ஹிந்தி, தமிழ், தெலுங்கில் வெளியான இந்தப் படம் முந்தைய வசூல் சாதனைகளை முறியடித்து புதிய சாதனையைப் படைத்துள்ளது.

படம் வெளியான இந்த இரண்டு வாரங்களில் இப்படம் இந்தியாவில் மட்டும் ரூ.500 கோடி வசூலைக் கடந்துள்ளதாக தயாரிப்பு நிறுவனம் அதிகாரப்பூர்வமாக அறிவித்துள்ளது. உலக அளவில் ரூ.907 கோடியைக் கடந்துள்ளது. விரைவில் இந்தத் தொகை ரூ.1000 கோடியைக் கடக்கவும் வாய்ப்புண்டு.

அப்படி நடந்தால் ஒரே ஆண்டில் 'பதான்', 'ஜவான்' படங்களின் மூலம் 1000 கோடி வசூல் சாதனையைப் படைத்த ஒரே கதாநாயகன் என்ற பெருமையைப் பெறுவார் ஷாரூக்கான். அப்படத்தில் நடித்த தமிழ் நட்சத்திரங்களான நயன்தாரா, விஜய் சேதுபதி ஆகியோருக்கு ஹிந்தியில் பல வாய்ப்புகள் தேடி வருவதாகத் தகவல்.