அப்பா வேடத்தில் சீமான்? : வெள்ளியங்கிரியில் படப்பிடிப்பு

லவ் டுடே படத்திற்கு பிறகு பிரதீப் ரங்கநாதன் அடுத்து விக்னேஷ் சிவன் இயக்கத்தில் ஹீரோவாக நடிக்கிறார். செவன் ஸ்கிரீன் ஸ்டுடியோஸ் லலித் தயாரிக்கும் இந்த படத்திற்கு லவ் இன்சூரன்ஸ் கார்பரேஷன், சுருக்கமாக எல்.ஜ.சி என தலைப்பு வைத்துள்ளனர். இதில் பிரதீப் ரங்கநாதன் உடன் முக்கிய கதாபாத்திரத்தில் எஸ்.ஜே.சூர்யா நடிக்கிறார் மற்றும் கிர்த்தி ஷெட்டி நாயகியாக நடிக்கிறார்.

சமீபத்தில் இந்த படத்தின் படப்பிடிப்பு கோவையில் தொடங்கியது. இதில் நீண்ட இடைவெளிக்கு பிறகு சீமான் நடிகராக முக்கிய வேடத்தில் நடிப்பதாக தகவல் வெளியானது. இப்போது எல்.ஜ.சி படத்தில் பிரதீப் ரங்கநாதனுக்கு அப்பா வேடத்தில் சீமான் நடிப்பதாக கூறப்படுகிறது. மேலும், இதில் இயற்கை விவசாயம் செய்யும் விவசாயியாக அவர் நடிக்கின்றாராம். இதன் படப்பிடிப்பு வெள்ளியங்கிரியில் அனுமதி பெற்று நடப்பதாக தகவல் வெளியாகி உள்ளது.