சசி குமாருக்கு ஜோடியாக சிம்ரன்

இயக்குனர் மற்றும் நடிகர் சசி குமார் கடந்த சில வருடங்களாக தொடர்ந்து தோல்வி படங்களில் நடித்து அவதிப்பட்டு வந்தார். கடந்த வருடத்தில் அவர் நடித்து வெளிவந்த ' அயோத்தி' திரைப்படம் மாபெரும் வெற்றி பெற்றது. தொடர்ந்து சமீபத்தில் 'கருடன்' படத்தில் முக்கிய கதாபாத்திரத்தில் நடித்திருந்தார். இந்த படமும் வெற்றி பெற்றுள்ளது. இதன் மூலம் மீண்டும் அவரைத் தேடி பட வாய்ப்புகள் வர தொடங்கி உள்ளன.

இந்த நிலையில் அறிமுக இயக்குனர் இயக்கத்தில் குட் நைட் படத்தை தயாரித்த மில்லியன் டாலர் பிக்சர்ஸ் தயாரிக்கும் புதிய படத்தில் சசி குமார் ஹீரோவாக நடிக்கின்றார். இதில் சசி குமாருக்கு ஜோடியாக நடிகை சிம்ரன் நடிக்கவுள்ளார். இது முழுக்க முழுக்க குடும்பத்தை மையப்படுத்தி நடைபெறும் படமாக உருவாகியுள்ளது. விரைவில் இது குறித்து அதிகாரப்பூர்வ அறிவிப்பு வெளியாகும் என்கிறார்கள்.