சூர்யா பிறந்தநாளில் வெளியாகும் கங்குவா ‛பயர்' சாங்

சிவா இயக்கத்தில் சூர்யா, திஷா பதானி, பாபி தியோல், ஜெகபதி பாபு, நட்டி, யோகி பாபு, கோவை சரளா, கே.எஸ்.ரவிக்குமார் உள்ளிட்ட பலரது நடிப்பில் உருவாகி உள்ள படம் கங்குவா. பேண்டஸி படமாக ரூ.300 கோடி பட்ஜெட்டில் பிரமாண்டமாய் உருவாகியுள்ள இந்த படம் 10 மொழிகளில் அக்டோபர் 10ம் தேதி வெளியாகிறது. இந்த நிலையில் வருகிற ஜூலை 23ம் தேதி சூர்யாவின் 49வது பிறந்தநாளையொட்டி கங்குவா படத்தின் பயர் சாங் என்ற முதல் பாடல் வெளியாக இருப்பதாக அறிவிக்கப்பட்டுள்ளது. இது மட்டுமின்றி, தற்போது கார்த்திக் சுப்பராஜ் இயக்கத்தில் சூர்யா நடித்து வரும் 44வது படத்தின் அப்டேட்டும் அன்றைய தினம் வெளியாக உள்ளது.