விடுதலை 2 ரிலீஸ் தேதியை அறிவித்த படக்குழு!

வெற்றிமாறன் இயக்கத்தில் விஜய் சேதுபதி, சூரி இணைந்து நடித்து கடந்த ஆண்டில் வெளிவந்த திரைப்படம் 'விடுதலை பாகம் 1'. இதன் வெற்றியைத் தொடர்ந்து விடுதலை இரண்டாம் பாகம் தயாராகி வருகிறது. இந்த இரண்டாம் பாகத்தில் விஜய் சேதுபதி, சூரி மற்றும் மஞ்சு வாரியர், அட்டகத்தி தினேஷ் ஆகியோர் நடிக்கின்றனர்.

இன்னும் ஒரு சில நாட்கள் இதன் படப்பிடிப்பு மீதமுள்ளதாக கூறப்படுகிறது. இந்த நிலையில் இத்திரைப்படம் வருகின்ற டிசம்பர் மாதம் 20ம் தேதி அன்று திரைக்கு வருகிறது என அதிகாரப்பூர்வமாக அறிவித்துள்ளனர். கிறிஸ்துமஸ் வாரம் மற்றும் அரையாண்டு தேர்வு விடுமுறை நாட்கள் தினங்களைக் குறிவைத்து வெளியாகிறது.