நவ.29ம் தேதி திரைக்கு வரும் சித்தார்த்தின் ‛மிஸ் யூ'

என்.ராஜசேகர் இயக்கத்தில் உருவாகி வரும் படம் 'மிஸ் யூ'. முந்தைய படங்களில் இருந்து முற்றிலும் மாறுபட்ட கதை களத்தில் இப்படம் உருவாகிறது. இதில் சித்தார்த் கதாநாயகனாக நடித்துள்ளார். இவருக்கு ஜோடியாக ஆஷிகா ரங்கநாத் நடித்துள்ளார். சஸ்டிக்கா ராஜேந்திரன், பால சரவணன், லொள்ளு சபா மாறன் உள்ளிட்டோர் முக்கிய கதாபாத்திரங்களில் நடித்துள்ளனர். ஜிப்ரான் இப்படத்திற்கு இசையமைத்துள்ளார்.

7 மைல்ஸ் பெர் செகண்ட் என்ற புதிய நிறுவனம் தயாரித்துள்ள இப்படத்தை தமிழகமெங்கும் ரெட் ஜெயண்ட் மூவிஸ் வெளியிடுகின்றனர். ஒரு இளைஞன் தனக்கு பிடிக்காத ஒரு பெண்ணை காதலிக்கிறான். அது ஏன் என்பதன் படத்தின் கதை. இதன் படப்பிடிப்பு முடிந்து ரிலீஸ் வேலைகள் நடந்து வருகின்றன. தற்போது இத்திரைப்படம் வருகின்ற நவம்பர் 29ம் தேதி அன்று திரைக்கு வருகிறது என அறிவித்துள்ளனர்.