பொங்கல் ரேஸில் இணைந்த படை தலைவன்
மறைந்த நடிகர் விஜயகாந்தின் இளைய மகன் சண்முக பாண்டியன் தற்போது நடித்துள்ள படம் ‛படை தலைவன்'. அன்பு என்பவர் இயக்கி உள்ளார். கஸ்தூரி ராஜா முக்கிய வேடத்தில் நடித்துள்ளார். இளையராஜா இசையமைத்திருக்கிறார். இப்படத்துக்காக இளையராஜா எழுதி இசையமைத்திருந்த பாடல் ஏற்கனவே வெளியான நிலையில் சமீபத்தில் இதன் டிரைலரும் வெளியாகி வரவேற்பை பெற்றது.
மனிதனுக்கும் யானைக்கும் இடையிலான பாச உணர்வுகளை வெளிக்காட்டும் விதமாக இப்படம் உருவாகி உள்ளது. அதோடு விஜயகாந்தை ஏஐ மூலம் இந்த படத்தில் காண்பிக்க உள்ளனர்.
இப்படம் வெளியீட்டிற்கு தயாராக இருக்கிறது. இருப்பினும் பொங்கல் வெளியீட்டில் அஜித்தின் விடாமுயற்சி, ஷங்கரின் கேம் சேஞ்சர் போன்ற படங்கள் வெளியாவதாக அறிவிக்கப்பட்டதால் ரிலீஸை அறிவிக்காமல் இருந்தனர். இப்போது விடாமுயற்சி தள்ளி வைக்கப்படுவதாக அறிவித்துவிட்டனர். இதனால் படை தலைவன் படம் பொங்கல் வெளியீடு என தேதி குறிப்பிடாமல் அறிவித்துள்ளனர்.