2 ஆண்டுகளாக கிடப்பில் கிடந்த வைபவின் ஆலம்பனா மார்ச் 7ல் ரிலீஸ்

சுந்தர்.சி இயக்கத்தில் விஷால் நடித்து 12 ஆண்டுகளாக கிடப்பில் கடந்த மதகஜராஜா படம் பொங்கலுக்கு ரிலீஸ் ஆகி வெற்றி பெற்றது. இதையடுத்து கிடப்பில் கிடக்கும் மேலும் சில படங்களையும் சம்பந்தப்பட்ட பட நிறுவனங்கள் வெளியிடும் பணிகளை தொடங்கி இருக்கிறார்கள்.

இந்த நிலையில் வைபவ் நாயகனாக நடித்து கடந்த 2023ம் ஆண்டு திரைக்கு வர இருந்த ஆலம்பனா என்ற படம் பின்னர் கிடப்பில் போடப்பட்டது. இரண்டு ஆண்டுகளுக்கு பிறகு தற்போது அந்த படத்தை மார்ச் 7ம் தேதி வெளியிடுவதாக அப்படத்தை தயாரித்துள்ள கேஜேஆர் ஸ்டுடியோஸ் நிறுவனம் அறிவித்துள்ளது.

பாரி கே.விஜய் என்பவர் இயக்கி உள்ள இந்த படத்தில் வைபவ் உடன் பார்வதி நாயர், பால சரவணன், ஆனந்தராஜ், ரோபோ சங்கர் வெளியிட்ட பலர் முக்கிய வேடங்களில் நடித்துள்ளார்கள்.

இதேபோல் விமல் நடித்து கிடப்பில் கிடந்த படவா என்ற படத்தையும் வெளியிடும் பணிகள் நடைபெற்று வருகிறது.