குட் பேட் அட்லி டீசர் மேக்கிங் வீடியோவை வெளியிட்ட ஆதிக்

ஆதிக் ரவிச்சந்திரன் இயக்கத்தில் அஜித் குமார், திரிஷா நடித்துள்ள குட் பேட் அக்லி படத்தின் படப்பிடிப்பு முடிவடைந்து தற்போது இறுதி கட்டப் பணிகள் நடைபெற்று வருகிறது. ஜி.வி.பிரகாஷ் குமார் இசையமைக்கும் இந்த படம் ஏப்ரல் பத்தாம் தேதி திரைக்கு வர உள்ளது. இந்த நிலையில் சமீபத்தில் டீசர் வெளியான நிலையில் அதுதொடர்பான மேக்கிங் காட்சிகளை மூன்று நிமிட வீடியோ வெளியிட்டு இருக்கிறார் இயக்குனர் ஆதிக் ரவிச்சந்திரன். அந்த வீடியோவில், அஜித் குமார் நடிக்கும் பல மாஸான காட்சிகள் இடம் பெற்றுள்ளது. பாடல் காட்சி, ஆக்ஷன் காட்சி என மாறுபட்ட கெட்டப்பில் அவர் நடித்துள்ள பலதரப்பட்ட காட்சிகள் இடம் பெற்றிருக்கிறது. இந்த வீடியோ முடிவில் இப்படத்தின் பர்ஸ்ட் சிங்கிள் பாடல் மார்ச் 18ம் தேதி வெளியாக இருப்பதாகவும் அறிவிக்கப்பட்டுள்ளது.