அஜித்தின் 'குட் பேட் அக்லி'யால் காத்து வாங்கும் வீர தீர சூரன்!

அருண்குமார் இயக்கத்தில் விக்ரம், துஷாரா விஜயன், எஸ். ஜே. சூர்யா நடித்த ‛வீர தீர சூரன்'. ஜி.வி.பிரகாஷ் குமார் இசையமைத்த இந்த படம் கடந்த மார்ச் 27ம் தேதி திரைக்கு வந்தது. முதல் நாளில் முதல் இரண்டு காட்சிகள் திரையிடப்படாத நிலையில் மாலை காட்சி திரையிடப்பட்ட இந்த படத்துக்கு பாசிட்டிவான விமர்சனங்கள் கிடைத்தது. அதனால் 100 கோடி வசூல் கிளப்பில் இப்படம் இணைந்து விடும் என்று எதிர்பார்க்கப்பட்டது. விக்ரம் கூட இந்த படத்தின் மீது பெரிய அளவில் நம்பிக்கை வைத்து ஒரு வீடியோ வெளியிட்டிருந்தார்.

இந்நிலையில் இப்படம் திரைக்கு வந்து இதுவரை 65 கோடி மட்டுமே வசூலித்துள்ளதாக கூறுகிறார்கள். குறிப்பாக, கடந்த பத்தாம் தேதி முதல் அஜித்தின் ‛குட் பேட் அக்லி' படம் வெளியாகி விட்டதால் வீர தீர சூரன் படம் ஓடும் தியேட்டர்கள் காத்து வாங்குவதாக சொல்கிறார்கள்.