முதல் முறையாக ஜோடி சேரும் துல்கர் சல்மான், பூஜா ஹெக்டே

மலையாள நடிகர் துல்கர் சல்மான் கடந்த சில வருடங்களாக மலையாள மொழி படங்களைக் கடந்து தமிழ், தெலுங்கு, ஹந்தி ஆகிய மொழி படங்களிலும் ஆர்வமாக நடித்து வருகிறார். அடுத்து ஒரு புதிய தெலுங்கு படத்தில் நடிக்க ஒப்பந்தம் ஆகியுள்ளார். அதன்படி, பரசுராமின் உதவி இயக்குநர் ரவி இயக்கும் புதிய படத்தில் துல்கர் சல்மான் கதாநாயகனாக நடிக்கிறார். இதனை ஸ்ரீ லஷ்மி வெங்கடேஸ்வரா சினிமாஸ் நிறுவனம் தயாரிக்கின்றனர். இதில் துல்கர் சல்மானுக்கு ஜோடியாக பூஜா ஹெக்டே நடிக்கிறார். சிறிய இடைவெளிக்குப் பிறகு பூஜா ஹெக்டே மீண்டும் தெலுங்கு படத்திற்கு திரும்புகிறார். ஏற்கனவே துல்கர் சல்மானுக்கு ஜோடியாக பூஜா ஹெக்டே சீதா ராமம் படத்தில் நடிக்கவிருந்தார். ஆனால் கால்ஷீட் பிரச்னையால் அப்போது நடிக்கவில்லை. அவருக்கு பதில் மிருணாள் தாக்கூர் நடித்தார். இந்த படம் மூலம் இவர்கள் முதன்முறையாக இணைந்து நடிக்க போகின்றனர்.