மே 31ம் தேதி ஓடிடியில் 'ரெட்ரோ' ரிலீஸ் : அதிகாரப்பூர்வ அறிவிப்பு
ADDED : 140 days ago
கார்த்திக் சுப்பராஜ் இயக்கத்தில், சந்தோஷ் நாராயணன் இசையில், சூர்யா, பூஜா ஹெக்டே, ஜோஜு ஜார்ஜ் மற்றும் பலர் நடிப்பில் மே 1ம் தேதி வெளியான படம் 'ரெட்ரோ'. விமர்சன ரீதியாகவும், வசூல் ரீதியாகவும் இப்படம் பெரிய வரவேற்பைப் பெறவில்லை என்பதே உண்மை.
இருந்தாலும் படம் வெளியான முதல் நாளில் 46 கோடி, நான்கு நாட்களில் 104 கோடி என அதிகாரப்பூர்வமாக அறிவித்தார்கள். தியேட்டர் வசூல், தியேட்டர் அல்லாத வருவாய் என மொத்தமாக 235 கோடி என படம் வெளியான 18வது நாளில் அறிவிப்பு செய்தார்கள்.
இந்நிலையில் இப்படம் மே 31ம் தேதி நெட்பிளிக்ஸ் ஓடிடி தளத்தில், தமிழ், ஹிந்தி, தெலுங்கு, கன்னடம், மலையாளம் ஆகிய மொழிகளில் வெளியாகும் என அதிகாரப்பூர்வமாக அறிவித்துள்ளார்கள். தியேட்டர்களில் பெரிய வரவேற்பைப் பெறாத சில படங்கள் ஓடிடி தளத்தில் நல்ல வரவேற்பைப் பெறுவதுண்டு. அப்படி ஒரு வரவேற்பு இப்படத்திற்குக் கிடைக்குமா என சில நாட்கள் காத்திருப்போம்.