ஜனநாயகன் பட இசை வெளியீட்டு விழா நடக்குமா?

விஜய் நடிக்கும் கடைசி படம் ‛ஜனநாயகன்' என்று சொல்லப்படுகிறது. அவர் தீவிர அரசியலில் இறங்குவதால் இனி நடிக்கமாட்டேன் என சொல்லிவிட்டார். ஜனநாயகன் படப்பிடிப்பு விறுவிறுப்பாக நடந்துவரும் நிலையில், இப்போது பலரும் கேட்கிற கேள்வி ஜனநாயகன் படத்தின் பாடல் வெளியீட்டுவிழா நடக்குமா? அதில் விஜய் பேசுவாரா? குட்டிக்கதை சொல்வாரா? சினிமாவை விட்டு விலகப்போகும் நிலையில், தனது சினிமா அனுபவங்களை பகிர்ந்து கொள்வாரா? தன்னை வளர்த்தவர்களுக்கு நன்றி சொல்வாரா? என்பதே.

இது குறித்து விஜய் வட்டாரங்களில் விசாரித்தால் ஜனநாயகன் பட பாடல் வெளியீட்டுவிழாவை பிரம்மாண்டமாக நடத்தி விஜயை சந்தோஷமாக வழியனுப்பி வைக்க வேண்டும் என்பதே படக்குழுவினரின் ஆசை. இசையசைப்பாளர் அனிருத்தும் பாடல் வெளியீட்டு விழாவுக்கு தயாராக இருக்கிறார். ஆனால், அதனால் பிரச்னைகள் வருமோ, பட ரிலீசுக்கு பாதிப்பு வருமோ என விஜய் யோசிக்கிறார். ஆனாலும், விஜயை சம்மதிக்க வைக்க ஏற்பாடுகள் நடக்கின்றன.