விக்ரம்பிரபு பட விழாவில் ஆதிக்ரவிச்சந்திரன்

சண்முகப்ரியன் இயக்கத்தில் விக்ரம்பிரபு, சுஷ்மிதா பட் நடிக்கும் படம் 'லவ் மேரேஜ்'. சென்னையில் நடந்த இந்த பட நிகழ்ச்சிக்கு இயக்குனர் ஆதிக் ரவிச்சந்திரன் சிறப்பு விருந்தினராக கலந்து கொண்டார். அவருக்கும், படத்துக்கும் என்ன சம்பந்தம் என விசாரித்தால் ஹீரோ விக்ரம் பிரபு சகோதரி ஐஸ்வர்யாவை தான் காதல் திருமணம் செய்துள்ளார் ஆதிக். அந்த வகையில் மச்சான் பட நிகழ்ச்சிக்கு வந்தார் என தெரிவிக்கப்பட்டது.

படம் குறித்து பேசிய விக்ரம்பிரபு, ''30 வயதை தாண்டிய திருமணம் ஆகாத இளைஞர்கள் வாழ்க்கையை ஜாலியாக படம் பேசுகிறது. தனிப்பட்ட கருத்தாக இனி காதல் திருமணம் சிறந்தது என சொல்வேன். இந்த படத்தின் படப்பிடிப்பு பொள்ளாச்சி, கோபி செட்டிபாளையத்தில் எடுக்கப்பட்டது. அதை கேள்விப்பட்ட அப்பா சந்தோசம் அடைந்தார்.. தன்னுடைய பல படப்பிடிப்பு அங்கே நடந்தது என நினைவு கூர்ந்தார். பலரின் பெயரை சொல்லி அவர்களை பார்த்து விட்டு வா என்றார். நானும் அதை செய்தேன்'' என்றார்.