டாக்சிக் படத்தில் இணைந்த அனிருத்

மலையாள இயக்குனர் கீது மோகன்தாஸ் இயக்கத்தில் கே.ஜி.எப்., பட புகழ் யஷ் அவரது 19வது படமாக 'டாக்சிக்' என்கிற படத்தில் நடித்து வருகிறார். இதை கே.வி.என் நிறுவனம் தயாரிக்கின்றனர். யஷ்-ன் அக்கா கதாபாத்திரத்தில் நடிகை நயன்தாராவும், கதாநாயகியாக கியாரா அத்வானியும், முக்கிய வேடத்தில் ஹியூமா குரேஷி நடித்து வருகின்றனர்.

கன்னடம் மற்றும் ஆங்கிலம் என இரு மொழிகளில் படமாக்கி வருகின்றனர். பிற மொழிகளில் டப்பிங் செய்து வெளியிடுகின்றனர். இப்படம் 2026ம் ஆண்டு மார்ச் 19ம் தேதி அன்று திரைக்கு வருகிறது. இந்த படத்திற்கு இசையமைப்பாளர் யார் என்பதை இதுவரை அறிவிக்கவில்லை. இந்நிலையில் அனிருத் இணைந்துள்ளதாக தகவல் வெளியாகியுள்ளது. இதன் மூலம் கன்னட திரையுலகில் அனிரூத் இசையமைக்கும் முதல் படம் இதுவாக இருக்கும்.