இயக்குனராக மிஷ்கின், ஹீரோவாக விஷ்ணுவிஷால், அப்பாவாக விஜயசாரதி, சித்தப்பாவாக கருணாகரன்
ADDED : 93 days ago
விஷ்ணுவிஷால் தம்பி ருத்ரா ஹீரோவாக அறிமுகம் ஆகும் 'ஓஹோ எந்தன் பேபி' படத்தில் காமெடி நடிகர் கருணாகரன், ஹீரோவின் சித்தப்பா கேரக்டரில் நடித்துள்ளார். 'கலகலப்பு' படத்தில் அறிமுகம் ஆன அவருக்கு இது சினிமாவில் 14வது ஆண்டு. இதற்கடுத்து இந்த பட இயக்குனர் கிருஷ்ணகுமார் ராமகுமார் இயக்க, பிரபல விஞ்ஞானி ஜி.டி.நாயுடு வாழ்க்கையை தழுவி எடுக்கப்படும் ஜி.டி.என் படத்திலும் முக்கியமான கேரக்டரில் நடிக்கிறார். ஜி.டி.நாயுடுவாக வருபவர் மாதவன்.
'ஓஹோ எந்தன் பேபி' படத்தில் குறி சொல்கிற காமெடி கேரக்டரில் வருகிறார். தம்பி அறிமுகம் ஆகும் படம் என்பதால் அண்ணன் விஷ்ணுவிஷாலும் நடித்து இருக்கிறார். கதைப்படி அவர் அவராகவே வருகிறார். அவரின் சொந்த வாழ்க்கை சம்பந்தப்பட்ட பல டச்சிங் டயலாக்கும் படத்தில் இருக்கிறதாம். அவரின் மானேஜராக ரெடின் கிங்ஸ்லியும், ஹீரோ அப்பாவாக ஒரு காலத்தில் கொடி கட்டி பறந்த விஜயசாரதியும், அம்மாவாக கஸ்துாரியும் நடித்து இருக்கிறார்கள்.
சற்றே மனநலம் பாதிக்கப்பட்ட கேரக்டரில் கீதா கைலாசமும் வருகிறார்கள். இயக்குனர் மிஷ்கினும் அவராகவே வருகிறார். அந்த காட்சியில் சினிமா தயாரிப்பாளராக நடித்து இருப்பவர் ஹீரோவின் நிஜ அப்பா. அவரும் ஒரு காலத்தில் நடிகராக இருந்தவர், சில படங்களில் சின்ன, சின்ன கேரக்டரில் நடித்தவர். இயக்குனர் கிருஷ்ணகுமார் ராமகுமார் கூட மணிரத்னம் தயாரிக்க, சுசிகணேசன் இயக்கிய 'பைவ்ஸ்டார்' படத்தில் ஹீரோக்களில் ஒருவராக நடித்தவர். பின்னர் விளம்பர பட இயக்குனராக மாறி, பல ஹிட்டான விளம்பர படங்களை இயக்கியவர்.