கூலி படத்தில் பஹத் பாசிலுக்கு உருவாக்கப்பட்ட வேடத்தில் சவுபின் ஷாகிர்
ADDED : 91 days ago
நடிகர் ரஜினிகாந்த், இயக்குனர் லோகேஷ் கனகராஜ் முதல் முதலாக இணைந்துள்ள கூலி படம் ஆகஸ்ட் 14ல் திரைக்கு வருகிறது. இந்த படத்தில் ஏற்கனவே ரஜினியுடன் வேட்டையன் படத்தில் நடித்திருந்த பஹத் பாசில் ஒரு முக்கிய வேடத்தில் நடிப்பதாக ஆரம்பத்தில் கூறப்பட்டது. ஆனால் அவர் நடிக்கவில்லை. அது குறித்து லோகேஷ் கனகராஜ் கூறுகையில், கூலி படத்தில் பஹத் பாசிலை நடிக்க வைக்க வேண்டும் என்பதற்காகவே ஆறு மாதங்களுக்கு மேலாக ஒரு கதாபாத்திரம் தயார் செய்தேன். ஆனால் அவர் பல படங்கள் பிஸியாக நடித்துக் கொண்டிருப்பதால் அவரது கால்ஷீட் கிடைக்கவில்லை. அதனால் தான் பஹத் பாசில் நடிக்க வேண்டிய அந்த கதாபாத்திரத்திற்கு இன்னொரு மலையாள நடிகரான சவுபின் ஷாகிரை ஒப்பந்தம் செய்தேன் என்கிறார் லோகேஷ். மேலும், சமீபத்தில் வெளியான மோனிகா பாடலில் பூஜா ஹெக்டேவுடன் சவுபின் ஷாகிரும் நடனம் ஆடி இருந்தார் என்பது குறிப்பிடத்தக்கது.