சூர்யாவின் 50வது பிறந்த நாளில் வெளியாகும் 'கருப்பு' படத்தின் டீசர்!
ADDED : 92 days ago
ஆர்.ஜே.பாலாஜி இயக்கத்தில் சூர்யா நடித்துள்ள 'கருப்பு' படத்தின் படப்பிடிப்பு முடிவடைந்து இறுதிக்கட்ட பணிகள் நடைபெற்று வருகிறது. இந்த படத்தை முடித்ததும் வெங்கி அட்லூரி இயக்கும் தனது 46வது படத்தில் நடித்து வருகிறார் சூர்யா. தமிழ், தெலுங்கு என இரண்டு மொழிகளில் தயாராகும் இந்த படத்தின் இரண்டாம் கட்ட படப்பிடிப்பு தற்போது ஹைதராபாத்தில் நடந்து முடிவடைந்திருக்கிறது.
இந்த நிலையில், ஜூலை 23ம் தேதி தனது பிறந்த நாளை தனது பெற்றோருடன் கொண்டாடுவதற்கு சென்னை வந்துள்ளார் சூர்யா. அதோடு, சூர்யாவின் இந்த 50வது பிறந்தநாளில் அவர் நடித்திருக்கும் கருப்பு படத்தின் டீசர் வெளியாக உள்ளது. அதனுடன் ரிலீஸ் தேதியையும் அறிவிக்க உள்ளனர். மேலும் வெங்கி அட்லூரி இயக்கத்தில் அவர் நடித்து வரும் 46 படத்தின் போஸ்டரும் வெளியாக இருப்பதாகவும் கூறப்படுகிறது.