முதல் தெலுங்கு படத்தில் தோல்வியை சந்தித்த அதிதி ஷங்கர்

கடந்த 1993ம் ஆண்டில் அர்ஜுன் நடிப்பில் ஜென்டில்மேன் என்ற படத்தை இயக்கி இயக்குனராக அறிமுகமானவர் ஷங்கர். அதன் பிறகு காதலன், இந்தியன், ஜீன்ஸ், முதல்வன் என அடுத்தடுத்து ஹிட் படங்களை இயக்கியவர், முதல்வன் படத்தை ஹிந்தியில் நாயக் என்ற பெயரில் ரீமேக் செய்தார். அதைத் தொடர்ந்து தமிழில் மட்டுமே படங்களை இயக்கி வந்தவர், கடந்த 2024ம் ஆண்டு ராம் சரண் நடிப்பில் கேம் சேஞ்சர் என்ற படத்தில் மூலம் தெலுங்கில் அறிமுகமானார். ஆனால் அந்த முதல் படமே ஷங்கருக்கு தோல்வியாக அமைந்துவிட்டது.

அதேபோன்றுதான் தமிழில் கார்த்தி நடித்த விருமன் படத்தில் அறிமுகமான அவரது மகளான அதிதி ஷங்கர், அதன் பிறகு மாவீரன், நேசிப்பாயா போன்ற படங்களில் நடித்தார். பைரவம் என்ற படத்தில் தெலுங்கில் அறிமுகமானார். கடந்த மே மாதம் 30ம் தேதி திரைக்கு வந்த இந்த படம் அதிதி ஷங்கருக்கு தோல்வியாக அமைந்துவிட்டது. அந்த வகையில் இயக்குனர் ஷங்கர் மற்றும் அவரது மகள் அதிதி ஆகிய இருவருக்குமே தெலுங்கில் அறிமுகமான முதல் படமே தோல்வி படமாக அமைந்துவிட்டன.