நல்லகண்ணுவை சந்தித்து நலம் விசாரித்த சிவகார்த்திகேயன்

100 வயதை கடந்த முதுபெரும் கம்யூனிஸ்ட் தலைவர் நல்லகண்ணு. தற்போது முதுமை காரணமாக பல்வேறு உடல்நல பிரச்னைகளை சந்தித்து வருகிறார். சமீபத்தில் தனது வீட்டில் தவறி விழுந்து தலையில் காயம் அடைந்தார். இதற்கான தனியார் மருத்துவமனையில் சிகிச்சை செய்யப்பட்டது. தற்போது ராஜீவ்காந்தி அரசு மருத்துவமனையில் சிகிச்சை பெற்று வருகிறார்.

இந்த நிலையில், நேற்று நடிகரும், தயாரிப்பாளருமான சிவகார்த்திகேயன் மருத்துவமனைக்கு சென்று நல்லகண்ணுவிடம் நலம் விசாரித்தார். அவருடன் 'அயலான்' பட இயக்குனர் ரவிக்குமாரும் உடன் சென்றார்.

சிவகார்த்திகேயன் நல்லகண்ணு மீது தனிப்பட்ட அன்பு கொண்டவர். அவரது பிறந்த நாளுக்கு நேரில் சென்று அவரிடம் ஆசி பெறுவதையும் வழக்கமாக வைத்திருந்தார்.