அமீர்கான் மகன், சாய் பல்லவி படத்தின் புதிய தலைப்பு மற்றும் ரிலீஸ் தேதி இதோ!
ADDED : 56 days ago
பாலிவுட் நடிகர் அமீர்கான் மகன் ஜூனைத் கான் உடன் இணைந்து சாய் பல்லவி தனது முதல் ஹிந்தி படத்தில் நடித்துள்ளார். இந்த படத்தை 'லால் சிங் சத்தா' படத்தில் இணை இயக்குனராக பணிபுரிந்த சுனில் பாண்டே இயக்கியுள்ளார். இத்திரைப்படத்தை அமீர் கான் மற்றும் மன்சூர் கான் இணைந்து தயாரித்துள்ளனர்.
இந்த படத்தின் படப்பிடிப்பு கடந்த வருடத்தில் இருந்து நடைபெற்று வருகிறது. ஏற்கனவே இந்த படத்திற்கு 'ஏக் தீன்' என தலைப்பு வைத்திருந்தனர். தற்போது இந்த படத்திற்கு 'மேரே ரஹோ' என புதிய தலைப்பை மாற்றி வைத்துள்ளனர். இதே போல் இப்படம் இவ்வருடம் நவம்பர் 7ம் தேதியன்று திரைக்கு கொண்டு வர முதலில் திட்டமிட்டிருந்தனர். இப்போது இந்த பட பணியில் ஏற்பட்ட தாமதத்தினால் வருகின்ற டிசம்பர் 12ம் தேதியன்று திரைக்கு கொண்டு வர முடிவு செய்துள்ளனர் என பாலிவுட் வட்டாரத்தில் தெரிவிக்கின்றனர்.