‛யாத்திசை' இயக்குனருடன் இணையும் ரவி மோகன்

நடிகர் ரவி மோகன் ஜீனி, கராத்தே பாபு, ப்ரோ கோட் ஆகிய படங்களில் நடித்து வருகிறார். மறுபுறம் தயாரிப்பாளர் மற்றும் இயக்குனர் ஆகவும் பிஸியாகி வருகிறார். இயக்குனராக தனது முதல் படமாக யோகிபாபுவை வைத்து ‛ஆர்டினரி மேன்' என்ற படத்தை இயக்கி வருகிறார். இந்த நிலையில் கடந்த 2023ம் ஆண்டில் தமிழில் குறைந்த பட்ஜெட்டில் பாண்டிய மன்னர்கள் காலத்தை மையப்படுத்தி வெளியான படம் 'யாத்திசை'. இந்தபடம் விமர்சகர்கள் மத்தியில் பாராட்டை பெற்றது. இதை தரணி ராசேந்திரன் இயக்கி இருந்தார். இந்நிலையில் இவரது இயக்கத்தில் அடுத்து ரவி மோகன் நடிக்கவுள்ளாராம். இதற்கான பேச்சுவார்த்தை நடந்து வருகிறது. விரைவில் அறிவிப்பு வெளியாகும் என எதிர்பார்க்கப்படுகிறது.