'பராசக்தி' படம் என் மீதான கவர்ச்சி பிம்பத்தை மாற்றும்! -ஸ்ரீ லீலா நம்பிக்கை

தெலுங்கு, தமிழ், ஹிந்தி என மூன்று மொழிகளிலும் நடித்து வரும் ஸ்ரீலீலா, தமிழில் சிவகார்த்திகேயனுக்கு ஜோடியாக நடித்து வரும் பராசக்தி படத்தை பெரிய அளவில் தான் எதிர்பார்ப்பதாக கூறுகிறார்.

அதுகுறித்து அவர் கூறுகையில், ''தெலுங்கில் நான் பல படங்களில் நடித்திருந்த போதும் அழுத்தமான கதாபாத்திரங்கள் கிடைக்கவில்லை. பெரும்பாலும் கிளாமர் வேடங்களுக்கு மட்டுமே பயன்படுத்தி வந்தார்கள். ஆனால் தமிழில் சுதா கொங்கரா இயக்கத்தில் சிவகார்த்திகேயனுடன் நடித்து வரும் 'பராசக்தி' படம் எனது திரை வாழ்வில் ஒரு திருப்புமுனையை ஏற்படுத்தும்.

கடந்த காலங்களில் கிளாமர் ஹீரோயினாக நடித்ததால் கவர்ச்சியான ஒரு பிம்பம் உருவாகிவிட்டது. ஆனால் பராசக்தி படத்தில் அழுத்தமான நடிப்பை வெளிப்படுத்தக்கூடிய வாய்ப்பு கிடைத்திருக்கிறது. பீரியட் கதையில் உருவாகி இருக்கும் இந்த படத்தில் இதுவரை பார்த்திராத ஸ்ரீ லீலாவை பார்க்கலாம். இதன்பிறகு என் மீது விழுந்துள்ள கவர்ச்சி பிம்பம் மாறத்தொடங்கி விடும்'' என்கிறார் ஸ்ரீ லீலா.