படப்பிடிப்புக்காக ஹனிமூனை மாற்றிய ஹீரோ

'முதலும் நீ முடிவும் நீ, சிங், தருணம்' போன்ற படங்களில் ஹீரோவாக நடித்தவர் கிஷன் தாஸ். இவர் டிவி நடிகை பிருந்தா தாஸ் மகன். நடிகர் தியாகு மகன் சாரங் தியாகு இயக்கத்தில் இவர் நடித்த படம் 'ஆரோமலே'. 'இது தாண்டா போலீஸ்' டாக்டர் ராஜசேகர் மகள் ஷிவாத்மிகா இதில் ஹீரோயின். இந்த படம் காதல் கதையாக உருவாகியுள்ளது.

இந்த படப்பிடிப்பு சமயத்தில் ஹீரோவுக்கும், சுசித்ராவுக்கும் காதல் திருமணம் நடக்க, அவர் ஹனிமூன் செல்ல இருந்தாராம். ஆனால் படப்பிடிப்புக்காக ஹனிமூன் தேதிகளை ஹீரோ மாற்றி இருக்கிறார். நடிகர் தியாகுவும், டி.ராஜேந்தரும் நெருங்கிய நண்பர்கள். அதே போல் தியாகு மகன் சாரங்கும் சிம்பும் நண்பர்கள். அதனால் படத்தில் காதல் குறித்த வாய்ஸ் ஓவர் பகுதிகளுக்கு சிம்பு பேசியுள்ளார்.

மேலும் இந்த படத்தை டி .ராஜேந்தர், உஷா ஆகியோரும் பார்த்து பாராட்டியுள்ளனர். உடல் நலக்குறைவு காரணமாக நடிகர் தியாகு இந்த படத்தில் நடிக்க வில்லையாம். டியூட் படத்துக்கு பின் ஹர்ஷத் கான் இதில் காமெடி பண்ணி உள்ளார். சித்து இசை அமைத்துள்ளார். பள்ளி மாணவன், கல்லூரி மாணவன், வேலைக்கு செல்பவர் என 3 கெட் அப்பில் ஹீரோ வருகிறார். ஷிவாத்மிகா தவிர, மேகா ஆகாஷ், நர்மதா ஆகியோரும் கவுரவ வேடத்தில் நடித்துள்ளனர்.