நவம்பர் 21ல் திரைக்கு வரும் ‛தீயவர் குலை நடுங்க'

ஜி.எஸ்.ஆர்ட்ஸ் நிறுவனம் தயாரிப்பில் அறிமுக இயக்குனர் தினேஷ் லட்சுமணன் இயக்கத்தில் உருவாகியுள்ள படம் 'தீயவர் குலைநடுங்க'. அர்ஜூன், ஐஸ்வர்யா ராஜேஷ், 'பிக்பாஸ்' அபிராமி, ராம்குமார், ஜி.கே.ரெட்டி, லோகு, வேல.ராமமூர்த்தி, தங்கதுரை, ஒ.ஏ.கே.சுந்தர் உள்ளிட்ட பலர் இணைந்து நடித்துள்ளனர். கிரைம் கலந்த திரில்லர் கதை களத்தில் இப்படம் உருவாகி உள்ளது. இதன் படப்பிடிப்பு ஏற்கனவே முடிந்து மற்ற பணிகள் நடந்து வந்தன. படத்தின் டீசரும் வெளியாகி திரில்லர் ரசிகர்கள் கவனத்தை ஈர்த்தது. இந்த நிலையில் இப்படம் வருகின்ற நவம்பர் 21ம் தேதியன்று தமிழ், தெலுங்கு, கன்னடம், மலையாளம் ஆகிய மொழிகளில் திரைக்கு வருகிறது என அறிவித்துள்ளனர்.