பொங்கல் போட்டியில் 'ராட்ட'
ADDED : 9 days ago
வருகிற பொங்கல் பண்டிகையை முன்னிட்டு விஜய் நடித்த ஜனநாயகன், சிவகார்த்திகேயன் நடித்த பராசக்தி படங்கள் வருவதாக இருந்தது. தற்பொது ஜனநாயகன் வெளிவராத நிலையில், அந்த இடத்தில் சில சிறுபட்ஜெட் படங்கள் வரலாம் என்று தெரிகிறது.
இந்த நிலையில் 'ராட்ட' என்கிற சிறுபட்ஜெட் படம் ஒன்று பொங்கல் வெளியீடாக வருகிற 14ம் தேதி வெளிவருவதாக அறிவிக்கப்பட்டுள்ளது. எப்.எம்.எஸ். மீடியாஸ் தயாரித்துள்ள இப்படத்தை சக்திவேல் நாகப்பன் இயக்கி, கதையின் நாயகனாகவும் நடித்துள்ளார். கதாநாயகியாக ஹெலன் நடித்துள்ளார்.
சித்தா தர்ஷன், சாப்லின் பாலு, சந்திரன், கிருஷ்ணன், முத்துராஜா, பம்பாய் சுப்ரமணி, கல்பனா, வசந்தி, ஜெயஸ்ரீ, ரத்னா, செல்லம்மா மற்றும் பலர் நடித்துள்ளார்கள். வெற்றி ஒளிப்பதிவு செய்துள்ளார், மணி கிருஷ்ணன் இசை அமைத்துள்ளார்.
படம் குறித்து இயக்குனர் சக்திவேல் நாகப்பன் கூறும்போது, “விசைத்தறி தொழிலை மையமாக கொண்ட ஒரு வாழ்வியல் திரைப்படம் இது. காதலோடு கண்ணியம் கலந்து கர்வத்தோடு எடுத்துள்ளோம். திருமணத்திற்கு முன்பு சேமிப்பு என்ற பழக்கம் இல்லாத இளைஞன், திருமணத்திற்கு பின் அத்தியாவசிய தேவைக்கு கடன் வாங்க வாழ்வில் பல திருப்பங்களை சந்திக்கிறார். கணவனின் சிரமத்தை புரிந்த மனைவியும் அவருடன் கைகோர்க்கிறார். இருவரும் வாழ்வில் வெற்றிபெற்றார்களா? என்பதே கதை.
விசைத்தறி தொழிலாளர்களின் வலி நிறைந்த வாழ்க்கை இந்தப்படம் மூலம் மக்களுக்கு இன்னும் ஆழமாக தெரியவரும்'' என்றார்.