தி ராஜா சாப் : ஆச்சரியப்படுத்திய அம்மு அபிராமி.. அதிர்ச்சி கொடுத்த கயல் ஆனந்தி

பிரபாஸ் நடிப்பில் மிகுந்த எதிர்பார்ப்புடன் உருவான தி ராஜா சாப் திரைப்படம் இன்று வெளியாகி உள்ளது. மாருதி இயக்கி உள்ள இந்த படத்தில் மாளவிகா மோகனன், நிதி அகர்வால், ரித்தி குமார் என மூன்று கதாநாயகிகள் நடித்துள்ளனர். இதில் சர்ப்ரைஸ் ஆக, கதைக்கு வலுவான ஒரு முக்கிய கதாபாத்திரத்தில் நடிகை அம்மு அபிராமி நடித்துள்ளார்.. இது ஒரு ஆச்சரியம் என்றால் நடிகர் சஞ்சய் தத்துக்கு இவர் ஜோடியாக நடித்துள்ளார் என்பது இன்னொரு அதிர்ச்சி தரும் ஆச்சரியம்.

அதேபோல நடிகை கயல் ஆனந்தியும் இந்த படத்தில் பிரபாஸின் அறிமுக பாடலில் ஒரே ஒரு பிரேம் மட்டும் வந்து செல்கிறார். அந்த ஒரு பாடலுக்கு மட்டும் அவர் நடனம் ஆடி இருப்பாரோ என்று நினைத்தால் அதெல்லாம் இல்லை.. வெறும் இரண்டு நொடி காட்சிகளில் மட்டுமே தோன்றி மறைந்து அதிர்ச்சி கொடுத்திருக்கிறார் கயல் ஆனந்தி. எந்த விதமான அடிப்படையில் இந்த படத்தில் அவர் நடிக்க ஒப்புக் கொண்டார் என்பது அவருக்கே வெளிச்சம்.