23 ஆண்டுகள் கழித்து ஒக்கடு பட இயக்குனருடன் இணைந்த பூமிகா

தெலுங்கில் 2023ல் மகேஷ்பாபு நடிப்பில் வெளியான ஒக்கடு திரைப்படம் மிகப்பெரிய வெற்றியை பெற்றது. இந்த படம் பின்னர் தமிழில் கில்லி என விஜய் நடிப்பில் ரீமேக் செய்யப்பட்டு இங்கேயும் வெற்றி பெற்றது. ஒக்கடு படத்தில் மகேஷ்பாபு ஜோடியாக கதாநாயகியாக நடித்திருந்தார் பூமிகா. இந்த நிலையில் இயக்குனர் குணசேகர் ருத்ரமாதேவி மற்றும் சாகுந்தலம் என தனது வரலாறு மற்றும் புராண படங்களை தொடர்ந்து புதிதாக யுபோரியா என்கிற படத்தை இயக்குகிறார்.

இதில் கதாநாயகியாக தெய்வத்திருமகள் சாரா அர்ஜுன் நடிக்கிறார். மேலும் முக்கிய வேடங்களில் இயக்குனர் கவுதம் மேனன் மற்றும் நடிகை பூமிகா ஆகியோரும் நடிக்கின்றனர். அந்தவகையில் ஒக்கடு படத்திற்கு பிறகு 23 வருடம் கழித்து மீண்டும் குணசேகரின் டைரக்ஷனில் நடிக்கிறார் பூமிகா என்பது குறிப்பிடத்தக்கது.

13 வயது முதல் 20 வயது வரையிலான டீனேஜ் பெண்கள் சந்திக்கும் உடல் ரீதியான மற்றும் மன ரீதியான பிரச்சனைகள், அவற்றை பெற்றோர் எப்படி கையாள வேண்டும் என்பதை மையப்படுத்தி இந்த படம் உருவாக இருக்கிறது.