பிரதீப் ரங்கநாதன் படத்தில் கதையின் நாயகியாக மமிதா பைஜூ

ரவி மோகன் நடித்த கோமாளி படத்தில் இயக்குனரான பிரதீப் ரங்கநாதன், அதன்பிறகு லவ் டுடே என்ற படத்தை இயக்கி ஹீரோவாக நடித்திருந்தார். பின்னர் டிராகன், டியூட் என அடுத்தடுத்து மூன்று ஹிட் படங்களில் ஹீரோவாக நடித்தார். தற்போது விக்னேஷ் சிவன் இயக்கியுள்ள லவ் இன்சூரன்ஸ் கம்பெனி என்ற படத்தில் நடித்த முடித்திருக்கிறார். இந்த படம் விரைவில் திரைக்கு வரவுள்ளது.

இந்த நிலையில் அடுத்தபடியாக ஒரு படத்தை பிரதீப் ரங்கநாதன் தயாரிக்கப் போவதாகவும் அந்த படத்தை அவரது இணை இயக்குனர் ஒருவர் இயக்க இருப்பதாகவும் தகவல்கள் வெளியாகி உள்ளன. முக்கியமாக இந்த படத்தில் டியூட் படத்தில் பிரதீப் ரங்கநாதனுக்கு ஜோடியாக நடித்த மமிதா பைஜூ கதையின் நாயகியாக நடிக்கிறாராம். இது குறித்த தகவல் விரைவில் அதிகாரப்பூர்வமாக அறிவிக்கப்படும் என்றும் கூறப்படுகிறது.