அஜித் 64 படத்தின் தயாரிப்பாளர் யார் ?

'குட் பேட் அக்லி' படத்திற்குப் பிறகு அஜித்குமார், இயக்குனர் ஆதிக் ரவிச்சந்திரன் கூட்டணி மீண்டும் இணைய உள்ளது. அஜித்தின் 64வது படமாக உருவாக உள்ள இப்படத்தைப் பற்றி இயக்குனர் ஆதிக் ஏற்கெனவே சில முறை அப்டேட்களைக் கொடுத்துள்ளார்.

இந்த மாதம் அல்லது அடுத்த மாதத்தில் படப்பிடிப்பு ஆரம்பமாகும் என்று கூட தகவல்கள் வெளியாகின. ஆனால், இந்தப் படத்தைத் தயாரிக்கப் போவது யார் என்பது குறித்த சரியான தகவல்கள் இல்லை. இப்படத்தைப் பிரபல தெலுங்கு தயாரிப்பாளர் தயாரிக்க உள்ளதாகச் சொன்னார்கள்.

ஆனால், தற்போது அஜித்தின் சம்பள விவகாரத்தால் இழுபறி நீடிக்கிறது என்றும் டோலிவுட் வட்டாரத் தகவல்கள் தெரிவிக்கின்றன. அஜித்தின் முந்தைய படமான 'குட் பேட் அக்லி' படம் 250 கோடி வசூலித்ததாக பாக்ஸ் ஆபீஸ் தகவல்கள் வெளியாகின.

அதற்கேற்றபடி தான் அஜித் 64 படத்தின் பட்ஜெட்டை முடிவு செய்ய வேண்டும் என தயாரிப்பாளர் சொன்னாராம். சம்பள விவகாரத்தில் அஜித் கறாராக நடந்து கொள்ள மாட்டார் என்பது கோலிவுட் தகவல். இப்படியிருக்கையில் அஜித் 64 குறித்து தற்போது திடீரென இப்படி ஒரு தகவல் வருவது ஆச்சரியமாக உள்ளது என்றும் சொல்கிறார்கள்.