பிரபாஸுக்கும் ஜோடி பவன் கல்யாணுக்கும் ஜோடி ; அறிமுக நடிகைக்கு ஜாக்பாட்

பிரபாஸ் நடிப்பில் அடுத்தடுத்து 'ஸ்பிரிட், பவ்ஜி' என புதிய படங்கள் தயாராகி வருகின்றன. இதில் சீதாராமம் புகழ் ஹனுராகவ புடி இயக்கத்தில் உருவாகி வரும் 'பவ்ஜி' என்கிற படத்தில் முன்னணி ஹீரோயின்கள் யாரையும் கதாநாயகியாக தேர்ந்தெடுக்காமல் இன்ஸ்டாகிராம் மூலமாக பிரபலமான இமான்வி இஸ்மாயில் என்பவரை பிரபாஸுக்கு ஜோடியாக கதாநாயகியாக அறிமுகப்படுத்துகிறார்கள்.. இந்த படத்தின் படப்பிடிப்பு தற்போது நடைபெற்று வருகிறது.

இந்த நிலையில் அடுத்ததாக பவன் கல்யாண் படத்திலும் அவருக்கு ஜோடியாக இமான்வி இஸ்மாயில் நடிக்க இருக்கிறார் என்கிற ஒரு தகவல் தற்போது வெளியாகி உள்ளது.. சுரேந்தர் ரெட்டி இயக்கத்தில் அடுத்ததாக பவன் கல்யாண் நடிக்க இருக்கும் படத்தில் அவரது கதாநாயகியாக தேர்வு செய்யப்பட உள்ள நடிகைகள் பட்டியலில் இமான்வி பெயரும் இருப்பதாக சொல்லப்படுகிறது. அந்த வகையில் ஒரு படம் கூட வெளியாகாத நிலையில் ஒரு அறிமுக நடிகை இரண்டு முன்னணி ஹீரோக்களுக்கு ஜோடியாக நடிப்பது என்பது உண்மையிலேயே அவருக்கு ஜாக்பாட் என்று தான் சொல்ல வேண்டும்.