ரசிகர்களை குஷிப்படுத்திய பேட்ரியாட் செகண்ட் லுக் போஸ்டர்

மலையாளத்தில் மல்டி ஸ்டாரராக உருவாகி வரும் படம் பேட்ரியாட். ஒரு சிறிய இடைவெளிக்குப் பிறகு மோகன்லால், மம்முட்டி இருவரும் இணைந்து நடிக்கும் இந்த படத்தில் நயன்தாரா, பஹத் பாசில், குஞ்சாக்கோ போபன் என கலர்புல்லான நட்சத்திரங்கள் இணைந்து நடித்துள்ளனர். டேக் ஆப், மாலிக் உள்ளிட்ட படங்களை இயக்கியவரும், விஸ்வரூபம் பட எடிட்டருமான மகேஷ் நாராயணன் இயக்கியுள்ளார். வரும் ஏப்ரல் 23ம் தேதி இந்த படம் வெளியாக இருக்கிறது.

ராணுவ பின்னணியில் அதிரடி ஆக் ஷன் படமாக உருவாகியுள்ள இதில் பஹத் பாசில் வில்லனாக நடிக்கிறார். சமீபத்தில் இந்த படத்தின் செகண்ட் லுக் போஸ்டர் வெளியாகி ரசிகர்களை சந்தோஷத்தில் ஆழ்த்தியுள்ளது. காரணம் இந்த போஸ்டரில் மோகன்லால், மம்முட்டி இருவருமே இணைந்து எதிரிகளை வேட்டையாடும் விதமாக ஓடும் காரில் பயணித்தபடி துப்பாக்கியால் சுடுவது போலவும் அவர்களுக்கு ரத சாரதியாக குஞ்சாக்கோ போபன் கார் ஓட்டுவது போலவும் இந்த போஸ்டரில் இடம் பெற்றுள்ளது. நிச்சயமாக மலையாள ரசிகர்களுக்கு இந்த படம் மிகப்பெரிய சம்மர் ட்ரீட் ஆக இருக்கும் என்பதில் சந்தேகம் இல்லை.