தேர்தல் நெருங்கும் வேளையில் முதல்வரை நேர்காணல் செய்த மோகன்லால்

மலையாள திரையுலகை பொறுத்த வரை நடிகர்கள் பெரும்பாலும் அரசியலை விட்டு ஒதுங்கி இருப்பார்கள். ஒரு சில நட்சத்திரங்கள் மட்டும் அரசியலில் போட்டியிடுவார்களே தவிர மற்ற யாரும் எந்த அரசியல் கட்சிக்கும் தங்களது ஆதரவை மறைமுகமாகவோ, வெளிப்படையாகவோ தெரிவிப்பது இல்லை. குறிப்பாக முன்னணி நடிகர்களான மோகன்லால், மம்முட்டி இருவருமே அரசியலை விட்டு தள்ளியே நிற்கிறார்கள். இந்த நிலையில் தற்போது கேரள முதல்வர் பினராயி விஜயனை நடிகர் மோகன்லால் நேர்காணல் செய்த வீடியோ ஒன்று நேற்று மாலை நேர தொலைக்காட்சி ஒன்றில் ஒளிபரப்பு செய்யப்பட்டது.

இந்த நேர்காணலின் போது முதல்வர் பினராயி விஜயன் தனது குழந்தைப் பருவம், தான் வளர்ந்த விதம் என பல பர்சனலான விஷயங்களையும் பகிர்ந்து கொண்டுள்ளார், விரைவில் கேரளாவிலும் சட்டசபைத் தேர்தல் நடைபெற இருக்கும் நிலையில் இப்படி முன்னணி நடிகரான மோகன்லால் முதல்வரை நேர்காணல் செய்த வீடியோ கேரள அரசியலில் ஒரு பரபரப்பை ஏற்படுத்தி உள்ளது. முதல்வர் பினராயி விஜயனுக்கு மோகன்லால் தனது மறைமுக ஆதரவை அளிக்கிறாரா என்கிற கேள்வியும் அரசியல் வட்டாரத்தில் எழுந்துள்ளது.