அதிர்ஷ்டசாலி படத்திற்கு அதிர்ஷ்டம்

திருச்சிற்றம்பலம் படத்தின் வெற்றிக்குப் பிறகு நடிகர் மாதவனை வைத்து 'அதிர்ஷ்டசாலி' என்கிற படத்தை இயக்கி வருகிறார் மித்ரன் ஆர் ஜவஹர். இதில் சாய் தன்ஷிகா, மடோனா செபாஸ்டியன், ராதிகா சரத்குமார் ஆகியோர் முக்கிய வேடத்தில் நடித்துள்ளனர். யுவன் சங்கர் ராஜா இசையமைத்துள்ளார். இந்த படம் இரண்டு வருடங்களுக்கு மேலாக தயாரிப்பில் உள்ளது. இதன் படப்பிடிப்பு நிறைவு பெற்றும் நிதி பற்றாக்குறையால் படம் வெளியாகாமல் தேங்கி நிற்கிறது. இந்த நிலையில் இப்படத்தின் தயாரிப்பு நிறுவனமான ஏ.ஏ நிறுவனத்திடம் இருந்து இந்த படத்தை மொத்தமாக ஐயங்கரன் நிறுவனம் கைப்பற்றியுள்ளதாக தகவல் வெளியாகி உள்ளது. விரைவில் படத்தை திரையரங்குகளில் கொண்டு வருவதற்கான பணிகளை மேற்கொள்வதாக தகவல் வெளியாகியுள்ளது.