300 மில்லியன் பார்வைகளைக் கடந்த 'துரந்தர் 2' டிரைலர்

ரன்வீர் சிங், அர்ஜுன் ராம்பால், சஞ்சய் தத், மாதவன், சாரா அர்ஜுன் மற்றும் பலர் நடிப்பில், ஆதித்ய தர் இயக்கத்தில் மார்ச் 19ம் தேதி வெளியாக உள்ள பான் இந்தியா திரைப்படம் 'துரந்தர் - தி ரிவெஞ்ச்'.

ஹிந்தி, தமிழ், தெலுங்கு, கன்னடம், மலையாளம் ஆகிய மொழிகளில் மார்ச் 7ல் வெளியான இப்படத்தின் டிரைலர் யு டியூப், இன்ஸ்டாகிராம், பேஸ்புக், எக்ஸ் ஆகிய தளங்களில் 300 மில்லியன் பார்வைகளைக் கடந்துள்ளதாக தயாரிப்பு நிறுவன அதிகாரப்பூர்வமாக அறிவித்துள்ளது.

யு டியூப் தளத்தில் 45க்கும் மேற்பட்ட நாடுகளில் இந்த டிரைலர் டிரெண்டிங்கில் உள்ளது. டிரைலருக்குக் கிடைத்துள்ள வரவேற்பு படத்தின் முன்பதிவையும் அதிகரிக்க வைத்துள்ளது. ஆன்லைன் இணையதளங்களில் இப்படத்திற்கான முன்பதிவும் அதிகரித்து வருகிறது.

'துரந்தர்' படத்தின் முதல் பாகம் கடந்த வருடம் டிசம்பர் மாதம் வெளியாகி சுமார் 1400 கோடி வசூலித்தது. இரண்டாம் பாகமும் 1000 கோடி வசூலைக் கடக்கும் என்று எதிர்பார்க்கப்படுகிறது. முதல் பாகத்தின் வசூலைக் கடக்குமா என்பது படம் வெளிவந்த பிறகே தெரியும்.