பிளாஷ்பேக் : சிவாஜி படத்தை தயாரித்த சத்யா மூவீஸ்
ADDED : 5 minutes ago
எம்ஜிஆர் படங்களை தயாரிப்பதெற்கென்றே ஆர்.எம்.வீரப்பன் எம்ஜிஆரின் தாயார் சத்யாவின் பெயரில் 'சத்யா மூவீஸ்' என்ற நிறுவனத்தை தொடங்கினார். அவர் சிவாஜி நடிப்பில் தயாரித்த ஒரே படம் 'புதிய வானம்'. இந்த படத்தின் டைட்டில்கூட எம்ஜிஆர் நடித்த 'அன்பே வா' படத்தின் பாடல் வரிதான். இது சிவாஜியின் 275வது படம். 'ஹுகுமத்' என்ற ஹிந்தி படத்தின் ரீமேக். இந்த படத்தில் சத்யராஜ் நடித்தார். படத்தில் அவரது கேரக்டர் பெயர் எம்ஜிஆர்(எம்.ஜி.ராஜேந்திரன்). இவர்கள் தவிர ரூபினி, கவுதமி, விஜயகுமார், நாசர் உள்ளிட்ட பலர் நடித்திருந்தார்கள். ஹம்சலேகா இசை அமைத்திருந்தார்.