லீடர் படத்தின் இசை வெளியீடு எப்போது?

லெஜண்ட் படத்திற்கு பிறகு தொழிலதிபர் லெஜண்ட் சரவணன் தற்போது துரை செந்தில்குமார் இயக்கத்தில் 'லீடர்' எனும் படத்தில் நடித்துள்ளார். அவருடன் இணைந்து பாயல் ராஜ்புத், ஆண்ட்ரியா, அமிர்தா ஜயர், ஷியாம், சந்தோஷ் பிரதாப், விடிவி கணேஷ் என நட்சத்திர பட்டாளமே இணைந்து நடித்துள்ளனர்.

இந்த படம் முதலில் ஏப்ரல் 3ந் தேதியன்று திரைக்கு கொண்டு வர திட்டமிட்டு இருந்ததால் இதன் இசை வெளியீட்டு விழாவை பிரம்மாண்டமாக சென்னை டிரேட் சென்ட்ரில் மார்ச் 21ம் தேதியன்று நடத்த திட்டமிட்டிருந்தனர். ஆனால் லீடர் படம் வருகின்ற ஏப்ரல் 9ம் தேதியன்று திரைக்கு வருகிறது என அறிவித்துள்ளதால் சற்று தள்ளி ஏப்ரல் 3ம் தேதியன்று இசை வெளியீட்டு விழாவை நடத்துகின்றனர் என தகவல் வெளியாகியுள்ளது.