கொச்சி மெட்ரோ ரயிலில் பயணித்த பாலிவுட் நடிகை

பிரபல பாலிவுட் நடிகை பிராச்சி டெஹ்லான்.. மம்முட்டி நடிப்பில் கடந்த 2019ல் வெளியான மாமாங்கம் என்கிற வரலாற்று படத்தில் கதாநாயகியாக நடித்த பிராச்சி டெஹ்லான், கடந்த சில மாதங்களுக்கு முன் ரோஹித் என்பவரை திருமணம் செய்துகொண்டார். இந்தநிலையில் மாமாங்கம் படத்தில் சிறப்பாக நடித்ததற்காக, சிறந்த நடிகைக்கான, மறைந்த நடிகர் கலாபவன் மணியின் நினைவு விருது இவருக்கு வழங்கப்பட்டது.

இந்த விருதை பெறுவதற்காக கேரளா வந்திருந்த பிராச்சி டெஹ்லான், கேரளாவை சுற்றி பார்தததுடன் கொச்சி மெட்ரோ ரயிலிலும் பயணித்து அந்த புகைப்படங்களை தனது சோஷியல் மீடியா பக்கத்தில் பதிவிட்டுள்ளார். மாமாங்கம் படத்தில் நடித்ததை தொடர்ந்து, மோகன்லால்-ஜீத்து ஜோசப் கூட்டணியில் உருவாகும் ராம் படத்தில் இவரை நடிக்க அழைத்தபோது தனக்கு முக்கியத்துவம் இல்லாத கதாபாத்திரம் என கூறி நடிக்க மறுத்துவிட்டார் என்பது குறிப்பிடத்தக்கது.