கணவர் நடிக்கும் மலையாள ரீமேக்கை இயக்குகிறார் ஜீவிதா

தெலுங்கு சினிமாவின் அதிரடி நடிகரான டாக்டர் ராஜசேகர், கடந்த சில மாதங்களுக்கு முன் கொரோனா தாக்கத்தால் பாதிக்கப்பட்டார். தற்போது அதிலிருந்து மீண்டுவந்துவிட்ட அவர், புதிய படங்களின் பக்கம் கவனத்தை திருப்பியுள்ளார். அந்தவகையில் மலையாளத்தில் கடந்த இரண்டு வருடங்களுக்கு முன் வெளியாகி ஹிட்டான ஜோசப் என்கிற படத்தின் ரீமேக்கில் நடிக்க இருக்கிறார் ராஜசேகர்.

கணவரின் உடல்நலத்தையும் கூடவே இருந்து கவனித்துக்கொள்ள வேண்டும் என்பதற்காக இந்தப்படத்தை அவரது மனைவி ஜீவிதாவே டைரக்ட் செய்ய இருக்கிறாராம். ஏற்கனவே ராஜசேகரை வைத்து சேஷு, சத்யமேவ ஜெயதே உள்ளிட்ட சில படங்களை இயக்கியுள்ளார் ஜீவிதா. அதேசமயம் இவை அனைத்து வேறு மொழியில் இருந்து ரீமேக் செய்யப்பட்ட படங்கள் தான் என்பதும் குறிப்பிடத்தக்கது.