எஸ்.பி.பி பாடிய கடைசிப் பாடல் இதுதான்

உலகெங்கிலும் தன் காந்தக் குரலால் ரசிகர்களின் இதயத்தில் இடம் பிடித்தவர் எஸ்பிபி. கொரோனா பாதிப்பால் மருத்துவமனையில் அனுமதிக்கப்பட்டவர், கொஞ்சம் கொஞ்சமாக உடல்நலம் தேறி வந்த நிலையில் திடீரென கடந்த செப்டம்பர் மாதம் சிகிச்சைப் பலனின்றி உயிரிழந்தார். எஸ்பிபியின் மறைவு திரையுலகப் பிரபலங்களையும், ரசிகர்களையும் அதிர்ச்சிக்கு ஆளாக்கியது.

இந்நிலையில் எஸ்பிபி மரணத்திற்கு முன்பு கடைசியாகப் பாடிய பாடல் பற்றிய தகவல் வெளியாகியுள்ளது. தேவதாஸ் பார்வதி என்ற படத்தில் இடம் பெற்றுள்ள என்னோட பாஷா என்கிற பாடலைத்தான் அவர் கடைசியாக பாடியிருக்கிறார். இந்தப் படத்தை இயக்கியிருப்பவர் ஆர்ஜிகே எனப்படும் ஆர்.ஜி.கிருஷ்ணன். இந்த தேவதாஸ் பார்வதி அமேசான் பிரைம் ஓடிடி தளத்தில் வெளியாகவுள்ளது.