மீம் கலைஞராக நடிக்கும் விஷ்வா

சுசீந்திரன் இயக்கத்தில் உருவான சாம்பியன் படத்தில் அறிமுகமானவர் விஷ்வா. அதில் அவர் கால்பந்து வீரராக நடித்திருந்தார். தற்போது தலைப்பிடப்படாத ஒரு படத்தில் மீம் கலைஞராக நடிக்கிறார். இதனை கே.எச்.பிக்சர்ஸ் சார்பில் கோமளா, ஹரி பாஸ்கரன் தயாரிக்கிறார்கள். பாரதி பாலா இயக்குகிறார். மற்ற நடிகர் நடிகைகள், தொழில்நுட்ப கலைஞர்கள் தேர்வு நடந்து வருகிறது.

இதுகுறித்து விஷ்வா கூறியதாவது: சாம்பியன் படத்தில் என் நடிப்பை பார்த்து விட்டு தயாரிப்பாளர் ஹரி பாஸ்கரன் என்னை பாராட்டினார். அதன் பின், டைரக்டர் பாரதி பாலா கதையை சொல்லி அதற்கு நான் பொருத்தமாக இருப்பேன் என்று சொல்லி என்னை தேர்ந்தெடுத்தார். இப்படம் குற்றத்தைக் கண்டுபிடிக்கும் திரில்லர் படமாக இளைஞர்களை கவரும் படியாக இருக்கும். நான் அறிமுகமான முதல் படத்தில் கால்பந்து வீரராக பயிற்சி எடுத்தேன். இப்போது 'மீம்' கலைஞனாக பயிற்சி எடுத்து வருகிறேன். என்றார்.