அதர்வாவின் தம்பியும் ஹீரோவாகிறார்!
ADDED : 1736 days ago
நடிகர் முரளியின் மகனான அதர்வா, தற்போது குருதி ஆட்டம், தள்ளிப் போகாதே போன்ற படங்களில் நடித்து வருகிறார். இந்நிலையில் அவரது தம்பியான ஆகாஷூம் விரைவில் விஷ்ணுவர்தன் இயக்கும் படத்தில் ஹீரோவாக அறிமுகமாகிறார். தற்போது ஹிந்தியில் சித்தார்த் மல்ஹோத்ரா நடிப்பில் ஷெர்ஷா என்ற படத்தை இயக்கி வருகிறார் விஷ்ணுவர்தன். இப்படம் வருகிற ஜூன் மாதம் திரைக்கு வருகிறது. அதையடுத்து அதர்வாவின் தம்பி ஆகாஷ் நடிக்கும் படத்தை இயக்கப்போகிறார்.
இந்த ஆகாஷூக்கும் தயாரிப்பாளர் சேவியர் பிரிட்டோவின் மகள் சினேகா பிரிட்டோவுக்கும் கடந்த ஆண்டு ஆகஸ்டில் திருமணம் நடைபெற்றது குறிப்பிடத்தக்கது. இந்த சினேகா பிரிட்டோ, எஸ்.ஏ.சந்திரசேகரன் இயக்கிய சட்டம் ஒரு இருட்டறை என்ற படத்தை தனது 18ஆவது வயதிலேயே ரீமேக் செய்தவர் என்பது குறிப்பிடத்தக்கது.