விக்ரமுடன் மீண்டும் இணைந்த பாபி சிம்ஹா

ஜகமே தந்திரம் படத்தை தொடர்ந்து கார்த்திக் சுப்புராஜ் இயக்கத்தில் விக்ரம் மற்றும் அவரது மகன் துருவ் விக்ரம் இருவரும் இணைந்து நடிக்கின்றனர். விக்ரமின் 60வது படமாக உருவாகும் இந்தப்படத்தில் சிம்ரன் முக்கிய வேடத்தில் நடிக்கிறார். இந்தப்படத்தில் நடிகர் பாபி சிம்ஹாவும் தற்போது இணைந்துள்ளார்.

ஏற்கனவே சாமி படத்தில் விக்ரமுக்கு வில்லனாக மோதிய பாபி சிம்ஹா, இந்தப்படத்தில் மீண்டும் இணைந்திருப்பதில் எந்த ஆச்சரியமும் இல்லை.. காரணம் கார்த்திக் சுப்பராஜின் ஆஸ்தான நடிககர்களில் ஒருவரான பாபி சிம்ஹா, அவரது பெரும்பாலான படங்களில் தவறாமல் இடம்பெற்று வருகிறார். அந்தவகையில் இந்த கூட்டணி இப்போது விக்ரம் படத்திலும் தொடர்கிறது.