மலையாளத்தில் அறிமுகமாகும் காயத்ரி

18 வயசு, நடுவுல கொஞ்சம் பக்கத்த காணோம், பொன்மாலை பொழுது, மத்தாப்பூ, ரம்மி, புரியாத புதிர், ஒரு நல்ல நாள் பார்த்து சொல்றேன், சீதக்காதி, சூப்பர் டீலக்ஸ், மாமனிதன் உள்பட பல படங்களில் நடித்தவர் காயத்ரி. விஜய் சேதுபதியுடன் தான் அதிக படங்களில் நடித்திருக்கிறார்.

இப்போது வெள்ளராஜா, பிங்கர்டிரிப் வெப் சீரிஸ்களில் நடித்தார். தற்போது ஐ ஹேட் யூ லவ் யூ என்ற தொடரில் நடித்து வருகிறார். இந்த நிலையில் மலையாள சினிமாவில் அறிமுகமாகிறார். கடந்த ஆண்டு வெளியான ஆண்ட்ராய்டு குஞ்சப்பன் படம் பெரும் வரவேற்பை பெற்றதோடு விருதுகளையும் குவித்தது. இந்த படத்தை இயக்கிய ரதீஷ் பாலகிருஷ்ணன் அடுத்து இயக்கும் படத்தில் காயத்ரி நடிக்கிறார். இதில் அவர் குஞ்சாகோ போபன் ஜோடியாக நடிக்கிறார். ஆண்ட்ராய்டு குஞ்சப்பன் போன்றே இதுவும் காமெடி கலந்த செண்டிமென்ட் படமாக உருவாகிறதாம்.